Ceredigion County Council website

Yma cewch wybodaeth am y gwaith sy'n cael ei wneud ar Deithiau Llesol yng Ngheredigion.

Mae Deddf Teithio Llesol (Cymru) 2013 yn rhoi dyletswydd ar awdurdodau lleol i gynllunio, gwella a hyrwyddo llwybrau cerdded a beicio ar gyfer siwrneiau bob dydd.

O dan Ddeddf Teithio Llesol (Cymru) 2013 mae gofyn i Gyngor Sir Ceredigion greu Map o Lwybrau’r Dyfodol yn gosod ein rhaglen 15 mlynedd o welliannau i lwybrau teithio llesol.

Er mwyn cyflawni’r ddyletswydd hon mae’n rhaid i awdurdodau lleol gyhoeddi Map o’r Llwybrau Presennol sy'n dangos llwybrau sy’n addas ar gyfer cerdded neu feicio ac sy’n bodloni'r safonau a nodwyd yng Nghanllawiau Dylunio Teithio Llesol Llywodraeth Cymru.

Ein Gweledigaeth – Cynigion ar gyfer Teithio Llesol yn ardal Aberystwyth

Cynhyrchwyd y fideo 3D yma o’r awyr ym mis Mawrth 2025 i ddangos sut fydd cynllun Teithio Llesol Waunfawr i IBERS yn rhyng-gysylltu cymunedau Penrhyn-coch a Bow Street drwy Gomins Coch. Hefyd mae’n dangos cynigion at y dyfodol i gysylltu’r llwybrau presennol gyda chanol tref Aberystwyth a’r cymunedau cyfagos, fel rhan o’r rhwydwaith cerdded a beicio ehangach.

Mae gwaith yn mynd rhagddo i ddatblygu’r gwelliannau a ddangosir ar gyfer Llwybrau’r Dyfodol, a dylid nodi na ellir gwarantu eto y bydd y rhain yn cael eu cyflawni yn y dyfodol.

Mae’r llwybrau ar Gefnffyrdd yr A44 a’r A487 yn dod dan gyfrifoldeb Asiant Cefnffyrdd Gogledd a Chanolbarth Cymru (NMWTRA) a Llywodraeth Cymru, sy’n rheoli’r rhwydwaith Cefnffyrdd.

Mae’r fideo hwn wedi’i ariannu gan Grant Craidd Cronfa Teithio Llesol Llywodraeth Cymru sy’n cael ei weinyddu gan Drafnidiaeth Cymru.