Ceredigion County Council website

Hysbysir drwy hyn bod Cyngor Sir Ceredigion wedi cadarnhau dynodiad cynllun trwyddedu ychwanegol ar gyfer Tai Amlfeddiannaeth.

Mae'r Dynodiad yn gymwys i'r Tai Amlfeddiannaeth canlynol (heblaw'r rhai sydd yn esempt o dan yr adrannau perthnasol o Ddeddf Tai 2004):

1. Tai Amlfeddiannaeth sy’n cael eu meddiannu gan dri neu ragor o bersonau, sy’n ffurfio tair neu ragor o 'aelwydydd' ar wahân, waeth sawl llawr sydd ynddynt yn y wardiau penodedig canlynol yn unig:
   1. Aberystwyth Bronglais
   2. Aberystwyth Canol
   3. Aberystwyth Gogledd
   4. Aberystwyth Penparcau
   5. Aberystwyth Rheidol
   6. Faenor
   7. Llanbadarn Fawr Padarn
   8. Llanbadarn Fawr Sulien
2. Tai Amlfeddiannaeth sy'n cael eu meddiannu gan bump neu ragor o bersonau, sy'n ffurfio dwy neu ragor o aelwydydd ar wahân, waeth sawl llawr sydd ynddynt, ac mae'n gymwys i sir gyfan Ceredigion
3. Tai Amlfeddiannaeth Adran 257 (Deddf Tai 2004) a grëwyd drwy addasu adeiladau yn fflatiau lle nad oedd yr addasiadau’n bodloni Safonau Rheoliadau Adeiladu 1991 a lle na chawsant eu gwella er mwyn bodloni’r safonau perthnasol ers hynny, ac mae’n gymwys i sir gyfan Ceredigion

Gelwir y cynllun yn Gynllun Trwyddedu Tai Amlfeddiannaeth Ychwanegol Cyngor Sir Ceredigion 2024 (‘y Cynllun’). Caiff y dynodiad ei gadarnhau yn unol ag Adran 56-60 o Ddeddf Tai 2004 a Rheoliad 9 o Reoliadau Trwyddedu a Rheoli Tai Amlfeddiannaeth a Thai Eraill (Darpariaethau Amrywiol) (Cymru) 2006.

Gwnaed y dynodiad yng nghyfarfod Cyngor Sir Ceredigion a gynhaliwyd ar 19 Mawrth 2024. Mae Cymeradwyaeth Gyffredinol Deddf Tai 2004 (Trwyddedu Tai Amlfeddiannaeth Ychwanegol) (Cymru) 2007, a ddaeth i rym ar 13 Mawrth 2007, yn gymwys i’r dynodiad hwn.

Bydd y Cynllun yn dod i rym ar 10 Gorfenhaf 2024 ac, oni chaiff ei ddirymu cyn hynny, bydd yn peidio â bod mewn grym ar 09 Gorfenhaf 2029.

Dylai unrhyw landlord, person sy’n rheoli neu denant y gall ei eiddo fodloni meini prawf y Cynllun hwn ofyn am gyngor gan yr adran Llesiant Cymunedol (Gwasanaethau Oedolion) Cyngor Sir Ceredigion i weld a yw dynodiad y Cynllun hwn yn effeithio ar ei eiddo.

Rhaid i berson sydd â rheolaeth dros neu sy’n rheoli Tŷ Amlfeddiannaeth yn yr ardal ddynodedig wneud cais i Gyngor Sir Ceredigion am drwydded.

Mae unrhyw un sy’n methu â gwneud cais am drwydded yn cyflawni trosedd o dan Adran 72(1) o Ddeddf Tai 2004 a gall gael dirwy ddiderfyn. Caniateir gwneud cais hefyd i’r Tribiwnlys Eiddo Preswyl i wneud Gorchymyn Ad-dalu Rhent sy’n peri iddi fod yn ofynnol ad-dalu hyd at 12 mis o’r rhent a gasglwyd yn ystod y cyfnod pan nad oedd yr eiddo wedi’i drwyddedu.

Rhaid gwneud cais i drwyddedu Tŷ Amlfeddiannaeth ar y ffurf ragnodedig, rhaid iddo gynnwys manylion penodol a rhaid darparu’r ffi ofynnol gydag ef. Mae copi o'r ffurflen gais berthnasol ar gael ar ein tudalen Trwyddedu.

Fel arall i ofyn am ffurflen gais, cysylltwch â'r adran Gwasanaethau Tai, Porth Cymorth Cynner, Cyngor Sir Ceredigion, Canolfan Rheidol, Rhodfa'r Padarn, Llanbadarn Fawr, Aberystwyth, SY23 3UE neu ffoniwch 01545 572105 neu anfonwch e-bost at housing@ceredigion.gov.uk.

Mae copi o’r Dynodiad ar gael ar wefan Cyngor Sir Ceredigion neu cysylltwch â ni gan ddefnyddio’r dulliau a nodir uchod.