Cynlluniau Effeithlonrwydd Ynni

Isod mae rhestr o gynlluniau sydd ar gael ar hyn o bryd yng Ngheredigion, ynghyd â dolen i ostyngiadau ynni a grantiau eraill.

Ariannu ECO4 Flex Cynllun Inswleiddio Prydain Fawr (GBIS) Flex Nyth: Cynllun Cartrefi Cynnes Hynach nid Oerach - Gofal a Thrwsio Power Up Cymru Gostyngiadau Ynni a Grantiau Eraill

Dolenni Defnyddiol

Effeithlonrwydd Ynni

I gael cyngor diduedd ac annibynnol i'ch helpu i leihau eich biliau ynni, gwneud eich cartref yn gynhesach, cynllunio gwelliannau i'ch cartref a gwneud eich cartref yn wyrddach gallwch ymweld â thudalen we Gwella Effeithlonrwydd Ynni Llywodraeth y DU.

Mae'r Ymddiriedolaeth Arbed Ynni yn sefydliad annibynnol sy'n gweithio i fynd i'r afael â'r argyfwng hinsawdd. I gael gwybodaeth am sut i wneud eich cartref yn fwy ynni-effeithlon a lleihau eich allyriadau carbon, ewch i wefan Energy Saving Trust.

Mae Cymru Gynnes yn Gwmni Buddiannau Cymunedol sy’n gallu cynnig cyngor ynni a’ch helpu i wneud cais am grantiau. Ewch i wefan Cymru Gynnes am ragor o wybodaeth.

National Energy Action (NEA) yw’r elusen tlodi tanwydd genedlaethol, sy’n gweithio i sicrhau bod pawb yng Nghymru, Lloegr a Gogledd Iwerddon yn gynnes ac yn ddiogel. Mae gan NEA adnoddau defnyddiol i helpu'r rhai sy'n cael trafferth gyda chost ynni, yn ogystal â llinell gyngor i ddarparu cymorth dros y ffôn a sgwrs. I gael cyngor ynni NEA a thaflenni gwybodaeth ewch i'w tudalen Energy Advice & Information Leaflets.

Gall Cyngor ar Bopeth roi cymorth i ddeiliaid tai drwy helpu i gael mynediad at gyllid, ochr yn ochr â chymorth ymarferol gyda defnyddio ynni a chael cartref cynhesach. Gall Cyngor ar Bopeth Ceredigion cefnogi deiliaid tai i ddeall y ffyrdd gorau o wresogi eu cartref, sut i leihau eu biliau a sut i ddelio â phroblemau fel dyled ac incwm isel. Os hoffech gael gwybodaeth a chyngor cyfrinachol, annibynnol a diduedd am ddim, gallwch fynd i wefan Cyngor ar Bopeth Ceredigion.

Cofrestr Gwasanaethau Blaenoriaethol

Mae'r Gofrestr Gwasanaethau Blaenoriaethol yn wasanaeth cymorth rhad ac am ddim y mae Cyflenwyr Ynni a gweithredwyr rhwydwaith yn ei gynnig i helpu pobl mewn sefyllfaoedd bregus. Mae pob un yn cadw ei gofrestr ei hun. I gofrestru ar gyfer y Gofrestr Gwasanaethau Blaenoriaethol bydd angen i chi gysylltu â'ch cyflenwyr cyfleustodau yn uniongyrchol. Gellir dod o hyd i'w manylion cyswllt naill ai ar eu gwefannau neu ar y biliau a anfonir atoch. Mae rhagor o wybodaeth am y Gofrestr Gwasanaethau Blaenoriaethol a’r cymorth y gallech ei gael ar gael ar dudalen we Ofgem.

Clybiau Tanwydd

Gall clybiau Olew Ceredigion eich helpu i arbed arian, cysylltu â’n cymuned a lleihau allyriadau carbon. Ewch i tudalen Clwb Clud - Clybiau Olew Ceredigion ni am ragor o wybodaeth.

Mannau Croeso Cynnes

Mae Cyngor Sir Ceredigion a CAVO wedi bod yn cydweithio i greu rhwydwaith o Fannau Croeso Cynnes ar draws y Sir. Bydd y mannau cymunedol hyn yn cael eu cadw’n gynnes drwy’r gaeaf. Mae’r rhwydwaith yn cynnwys:

Lleoedd i weithio
Gweithgareddau i deuluoedd a phlant
Clybiau Crefft
Caffis talu fel y teimlwch
Mannau dementia-cyfeillgar

Mae’n rhaid I’r Mannau Croeso Cynnes ystyried Covid-19 yn eu hasesiadau risg.

Am fwy o wybodaeth ffoniwch Clic ar 01545 570881 neu ewch i'n tudalen Mannau Croeso Cynnes.

Gwiriwch a allai pwmp gwres fod yn addas ar gyfer eich cartref

I ddarganfod a allai pwmp gwres fod yn system gwres canolog addas ar gyfer eich cartref cyn i chi osod un, gallwch ymweld â tudalen Check if a heat pump could be suitable for your home ar wefan Llywodraeth y DU.