Cŵn ar Draethau
Gorchmynion Rheoli Cŵn a Gorchmynion Diogelu Mannau Agored Cyhoeddus
Oherwydd is-ddeddfau cyfredol a Gorchmynion Diogelu Mannau Agored Cyhoeddus wedi’u hanelu at warchod nofwyr, gwaherddir cŵn rhag mynd ar draethau penodol yng Ngheredigion. Nid yw’r cyfyngiadau yn berthnasol i Gŵn Tywys.
Mae’r cyfyngiadau’n berthnasol i’r traethau canlynol:
O 1af Mai hyd at 30ain Medi:
|
Aberaeron (Traeth y De) |
Gwaherddir cŵn rhag mynd rhwng Waliau’r Harbwr a’r grwyn i’r de o Ffordd y Traeth |
|---|---|
|
Aberystwyth (Traeth y De) |
Gwaherddir cŵn rhag mynd rhwng Pentir y Castell (terfyn y gogledd) a’r grwyn cyntaf ar ddiwedd Y Ro Fawr (terfyn y de) |
|
Aberystwyth (Traeth y Gogledd) |
Gwaherddir cŵn rhag mynd rhwng ochr ogleddol y llwyfan glanio, y cyfeirir ato hefyd fel y lanfa, a phen gogleddol y traeth wrth Craig Glais, neu Constitution Hill |
|
Aber-porth |
Gwaherddir cŵn rhag mynd ar Draeth Dolwen |
|
Y Borth |
Gwaherddir cŵn rhag mynd o’r Hostel Ieuenctid i’r de o Y Stryd Fawr i orsaf yr RNLI. Gwaherddir cŵn rhag mynd o orsaf yr RNLI i’r creigiau islaw Heol y Graig, yn unol â Gorchymyn Diogelu Mannau Agored Cyhoeddus |
|
Clarach |
Gwaherddir cŵn rhag mynd o’r traeth i’r de o’r afon |
|
Cei Newydd |
Gwaherddir cŵn rhag mynd ar draeth yr Harbwr rhwng y pier a Phenpolion, hen wal yr harbwr wrth ymyl Gorsaf Bad Achub yr RNLI |
|
Llangrannog |
Gwaherddir cŵn rhag mynd ar y traeth rhwng Nant Hawen a chraig Pen Rhip i’r chwith |
|
Mwnt |
Gwaherddir cŵn rhag mynd ar y traeth cyfan |
|
Penbryn |
Gwaherddir cŵn rhag mynd i ardal y traeth ac i’r de o Nant Hoffnant |
|
Tresaith |
Gwaherddir cŵn rhag mynd i ran ddeheuol y traeth rhwng y grisiau mynediad a chraig Carreg-y-Ddafad |
Cŵn ar Dennyn
Rhaid cadw cŵn ar dennyn yn yr ardaloedd canlynol:
|
Aberaeron |
Ffordd y Traeth |
|---|---|
|
Aber-porth |
I’r gorllewin o Faes y Felin ar hyd Ffordd yr Odyn i lan y môr ar Draeth Dolwen |
|
Aberystwyth |
Traeth y Gogledd ar hyd y promenâd ac o Bentir y Castell i Craig Glais (Constitution Hill) Traeth y De ar hyd y promenâd ac o Bentir y Castell i gyfeiriad y de i derfyn deheuol y lanfa ar Draeth y De. Y rhan fwyaf o’r prif strydoedd yn nhref Aberystwyth |
|
Borth |
O ddiwedd Ffordd y Graig ar hyd y Ffordd Fawr ac i’r gogledd i’r Hostel Ieuenctid |
|
Clarach |
Ffordd fynediad y traeth o’r gyffordd yn Llangorwen i’r gogledd o Draeth Clarach. Ffordd fynediad y traeth o’r gyffordd â’r B4572 i’r de o Draeth Clarach. |
|
Cei Newydd |
Rhes Glanmor o’r gyffordd â Rhes Uchel hyd at, a chan gynnwys Stryd Ioan |
|
Llangrannog |
Ffordd y B4321 o dafarn Y Ship i gyfeiriad gorllewinol |
|
Penbryn |
Y ffordd o Lanborth i lan y môr |
|
Tresaith |
Ffordd y Traeth o’r gyffordd i lawr i’r traeth |
Orchymyn Diogelu Mannau Agored Cyhoeddus (PSPO) ar y Traeth a’r Promenâd yn y Borth
Mae cyfyngiadau ar ran o’r traeth a’r promenâd yn y Borth, un sy’n gwahardd mynd â chŵn am dro ar y traeth ac un sy’n gwahardd mynd â chŵn am dro heb dennyn ar y promenâd.