Cronfa Grant Cymunedol Ceredigion ar agor ar gyfer ceisiadau
Anogir grwpiau cymunedol, eglwysi a chapeli, mudiadau gwirfoddol a dielw sy'n dymuno gwella a chynyddu'r ystod o gyfleusterau, gweithgareddau a chyfleoedd yng Ngheredigion i wneud cais i Gronfa Grant Cymunedol Ceredigion. Mae grantiau ar gael tuag at bethau fel prynu a datblygu tir, prynu adeiladau, prynu offer ac uwchraddio cyfleusterau presennol.
Mae cyfle i ymgeisio ar gyfer dau grant: y Gronfa Grant Cyfalaf a Chronfa Grant Polisi.
Grant Cyfalaf
- Mae Cynllun Cyfalaf Grant Cymunedol Ceredigion ar agor ar gyfer derbyn ceisiadau:
- 2024/2025 - Mae Cronfa Gyfalaf ar agor tan 10 Ionawr 2025 - rydym nawr yn derbyn ceisiadau ar gyfer prosiectau y gellir eu cwblhau erbyn 1 Mawrth 2025.
- 2025/2026 - Mae Cronfa Gyfalaf ar agor tan 13 Chwefror 2025 - rydym nawr yn derbyn ceisiadau ar gyfer prosiectau y gellir eu cwblhau erbyn 1 Mawrth 2026.
- Bydd uchafswm y grant cyfalaf sydd ar gael yn is na 50% o gost y prosiect neu’r swm sydd ei angen i ariannu diffyg ariannol y prosiect, yn amodol ar uchafswm o £10,000.
Grant Polisïau
- Ar agor ar gyfer ceisiadau drwy'r flwyddyn, ond anogir ymgeiswyr i wneud cais cyn gynted â phosibl.
- Ariennir grantiau polisi drwy Gronfa Eglwys Cymru (WCF).
- Mae enghreifftiau'n cynnwys Eisteddfodau a Sioeau lleol, ac ati.
Dywedodd y Cynghorydd Gareth Davies, Aelod Cabinet Ceredigion sy'n gyfrifol am y Gwasanaethau Cyllid a Chaffael: “Mae'n bwysig bod grwpiau cymwys a'r digwyddiadau hyn yn cael cymorth ariannol sydd ei hangen arnynt i sicrhau bod ein cymunedau'n parhau i ffynnu. Os yw eich sefydliadau yn cyd-fynd â'r meini prawf, ewch amdani a gwnewch gais am y grant."
Rhaid i geisiadau am grantiau ddangos bod unrhyw brosiect arfaethedig yn bodloni o leiaf un o'r amcanion a amlinellir yn y Strategaeth Gorfforaethol: www.ceredigion.gov.uk/media/yn5hb3pb/strategaeth-gorfforaethol-2022-2027.pdf
Gellir dod o hyd i feini prawf cymhwysedd llawn a phecyn ymgeisio ar gyfer y Grantiau Cyfalaf a Pholisi ar ein gwefan yma: www.ceredigion.gov.uk/busnes/cyllid-a-grantiau/grantiau-cymunedol/
Ar gyfer unrhyw gwestiynau, e-bostiwch grantiaucyllid@ceredigion.gov.uk