Cefnogaeth i Bobl Hŷn
Dysgwch am y cymorth sydd ar gael yn benodol ar gyfer pobl hŷn a phensiynwyr.
Taliad Tanwydd Gaeaf
Os cawsoch eich geni cyn 23 Medi 1958 gallech gael naill ai £200 neu £300 i’ch helpu i dalu eich biliau gwresogi ar gyfer gaeaf 2024 i 2025. Mae mwy o wybodaeth ar wefan Llywodraeth DU - Taliad Tanwydd Gaeaf
Os ydych wedi clywed am y newidiadau i Daliadau Tanwydd y Gaeaf, byddwch yn ymwybodol bod rhaid i chi wneud cais am Gredyd Pensiwn erbyn 21 Rhagfyr 2024 i fod yn gymwys ar gyfer Taliad Tanwydd Gaeaf 2024 i 2025.
Taliadau Tywydd Oer
Os ydych yn cael Credyd Pensiwn, Cymhorthdal Incwm, Lwfans Ceisio Gwaith yn Seiliedig ar Incwm, Lwfans Cyflogaeth a Chymorth yn Seiliedig ar Incwm neu Gredyd Cynhwysol byddwch yn cael Taliad Tywydd Oer yn awtomatig bob tro y mae’n mynd yn oer iawn. Mae rhagor o wybodaeth ar gael ar dudalen Taliad Tywydd Oer y Llywodraeth.
Credyd Pensiwn
Mae Credyd Pensiwn yn rhoi arian ychwanegol i chi i'ch helpu gyda'ch costau byw os ydych dros oedran Pensiwn y Wladwriaeth ac ar incwm isel. Os ydych yn cael Credyd Pensiwn gallwch hefyd gael cymorth arall, fel Budd-dal Tai, Taliad Tanwydd y Gaeaf, help i dalu'r llog ar eich morgais, disgownt Treth y Cyngor, trwydded deledu am ddim a mwy.
Mae rhagor o wybodaeth ar gael ar dudalen Credyd Pensiwn y Llywodraeth.
Gallwch hefyd hawlio dros y ffôn gyda llinell hawlio newydd Credyd Pensiwn ar 0800 99 1234.
Mannau Croeso Cynnes
Mae'r map hwn yn dangos lle mae'r Mannau Croeso Cynnes yng Ngheredigion. Mae'r manylion yn cynnwys amseroedd agor a syniad o'r hyn y gallwch ddod o hyd iddo pan fyddwch yn cyrraedd.
Gofal a Thrwsio Cymru
Mae Gofal a Thrwsio Cymru yn elusen Gymreig, sy’n gweithio i sicrhau y gall pob person hŷn fyw’n annibynnol mewn cartref diogel, cynnes a chyfleus.
Age Cymru Dyfed
Mae Cyngor Age Cymru yn darparu gwybodaeth a chyngor cyfrinachol, diduedd ac arbenigol i bobl hŷn, eu teuluoedd, ffrindiau, gofalwyr a gweithwyr proffesiynol.
Cefnogaeth gyda Byw'n Annibynnol
Mae rhagor o wybodaeth ar gael ar ein tudalen Canolfan Byw’n Annibynnol Penmorfa.
Ceredigion Oed Gyfeillgar
Cymunedau Oed-gyfeillgar yw mannau lle mae pobl hŷn, cymunedau, polisïau, gwasanaethau, lleoliadau a strwythurau yn cyd-weithio mewn partneriaeth i’n cefnogi a’n galluogi i heneiddio’n dda – Sefydliad Iechyd y Byd.
Mae rhagor o wybodaeth ar gael ar ein tudalen Ceredigion Oed Gyfeillgar.