Sylwadau, Canmoliaeth a Chwynion

Nod Cyngor Sir Ceredigion yw darparu gwasanaethau o’r radd flaenaf i’n cwsmeriaid, gan gynnwys gwybodaeth gywir a chyfoes, ac yn ein Siarter Y Cwsmer mae’r Cyngor yn gosod y safonau y mae’n bwriadu eu cyflawni.

Gall cwsmeriaid gyflwyno sylwadau, canmoliaeth neu gwynion yn Gymraeg neu yn Saesneg, yn unol â'u dewis iaith, drwy ddefnyddio’r ffurflenni dwyieithog ar-lein, codi’r ffôn, neu anfon llythyr neu e-bost.

Rydyn ni’n addo gwrando’n gwrtais a cheisio deall anghenion ein cwsmeriaid, a helpu dod o hyd i ffyrdd o fodloni’r anghenion hynny. Rydyn ni’n addo parchu ein cwsmeriaid, bod yn deg ac yn onest bob cam o’r ffordd, a chydnabod ein camgymeriadau a dysgu ohonynt pan fyddwn ni wedi gwneud rhywbeth o’i le.

Unrhyw sylw sydd gennych am ffyrdd i’r Cyngor wella’r modd y mae’n darparu gwasanaethau a/neu’n gofalu am ei gwsmeriaid.

Mae canmoliaeth yn fynegiant o ganmoliaeth am lefel uchel o ddarpariaeth gwasanaeth a/neu ofal cwsmer a dderbyniwyd, a ddarperir gan y Cyngor neu gan berson sy'n gweithredu ar ran y Cyngor. Mae pob canmoliaeth a dderbynnir gan ddefnyddwyr gwasanaeth yn cael ei chofnodi a'i monitro'n rheolaidd.

Defnyddir adborth cadarnhaol o'r fath i rannu a hyrwyddo arfer da lle bynnag y bo modd. Mae canmoliaeth yn ffynhonnell o anogaeth bod staff y Cyngor yn darparu gwasanaeth gwerthfawr ac o safon uchel a diolchwn i chi am roi o'ch amser i rannu eich profiad gyda ni.

Lansio'r ffurflen Canmoliaeth ar-lein

Nid yw cwyn yn golygu:

sôn am rywbeth sydd o’i le, er enghraifft, golau stryd wedi torri
cais cyntaf am wasanaeth, er enghraifft, gofyn am glirio sbwriel wedi’i dipio’n anghyfreithlon
cais cyntaf am wybodaeth, neu esboniad o bolisïau a phenderfyniadau’r Cyngor
sylwadau am rinweddau penderfyniadau a pholisïau’r Cyngor
herio ‘penderfyniad a wnaed yn briodol’ lle mae hawl statudol i apelio
ffordd o lobïo neu ymgyrchu dros newid mewn deddfwriaeth

Yn unol â Pholisi Pryderon a Chwynion y Cyngor, mae cwyn yn golygu aelod neu aelodau o’r cyhoedd yn mynegi anfodlonrwydd â gweithredu’r Cyngor neu ddiffyg gweithredu, neu am ansawdd y gwasanaeth y mae’r Cyngor yn ei ddarparu – neu wasanaeth a ddarperir gan gorff neu berson arall sy’n gweithredu ar ran y Cyngor.

Am fwy o wybodaeth ynglŷn â’r drefn gwyno, ewch i’r dudalen berthnasol:

Fel arall, cysylltwch â Thîm Cwynion y Cyngor drwy ysgrifennu at Miss Marie-Neige Hadfield, Rheolwr Cwynion a Rhyddid Gwybodaeth, Canolfan Rheidol, Aberystwyth, Ceredigion, SY23 3UE. Neu dros y ffôn ar 01545 574151 neu drwy e-bost: cwynion@ceredigion.llyw.cymru.

Pethau eraill i’w cadw mewn cof

Mae staff y Cyngor yn medru helpu cwsmeriaid i wneud cwyn ysgrifenedig. Fel arall, gallech ofyn i ffrind, Cynghorydd, Aelod Cynulliad, Aelod Seneddol neu fudiad fel Cyngor yr Henoed neu Cyngor ar Bopeth roi help llaw ichi, neu weithredu ar eich rhan. Bydd y weithdrefn a nodir yn y polisi hwn yn union yr un fath
Mae’n gallu bod yn anodd ymchwilio i gwynion ar ôl i beth amser fynd heibio, ac felly mae’r Cyngor yn disgwyl i gwsmeriaid godi unrhyw gwynion ymhen chwe mis (o dan y Polisi Corfforaethol) neu ddeuddeg mis (o dan Bolisi’r Gwasanaethau Cymdeithasol) ar ôl dod i wybod am y broblem. Ni fydd y cyngor yn ymchwilio i unrhyw gwynion hŷn na hynny, oni bai fod amgylchiadau arbennig yn berthnasol
Os bydd unrhyw gŵyn yn ymwneud â nifer o wahanol wasanaethau’r Cyngor, rhoddir un ymateb cydlynol lle bynnag y bo modd
Caiff unrhyw gwynion dienw eu trafod â rheolwr y Gwasanaeth er mwyn penderfynu a ddylid ymchwilio i’r mater, ac a oes digon o wybodaeth ar gael i wneud hynny. Os derbynnir cwyn yn ddienw, ni fydd modd i’r Cyngor roi ymateb ar ôl cwblhau unrhyw ymchwiliad
Ni fydd gweithwyr y cyngor yn cyfrannu at fforymau agored ar y we, nac yn ymateb i unrhyw sylwadau (ar ran y Cyngor)
O bryd i’w gilydd bydd cwsmer yn pledio’i achos mewn ffordd sy’n rhwystro’r Cyngor rhag ymchwilio i’r gŵyn neu’n golygu bod y Cyngor yn gorfod defnyddio llawer iawn o adnoddau wrth ymdrin â’r materion a godwyd. Felly, lluniwyd y Polisi ar gyfer Gweithredu Afresymol gan Ddefnyddwyr Gwasanaethau er mwyn sicrhau nad yw cwsmeriaid fel hyn yn amharu ar wasanaethau’r Cyngor, a hefyd i sicrhau bod gweithwyr y Cyngor yn cael eu trin yn barchus gan y cyhoedd, yn unol â’u hawliau a’u disgwyliadau