Perfformiad
Mae Rheoli Perfformiad yng Nghyngor Sir Ceredigion yn ein helpu i wella'r gwasanaethau a ddarparwn i'r gymuned. Mae'n golygu ein bod yn adolygu'n rheolaidd pa mor dda y mae ein gwasanaethau, megis casglu gwastraff, gofal cymdeithasol, addysg a thai yn cael eu darparu a nodi meysydd i'w gwella.
Trwy osod nodau clir, monitro cynnydd a mesur canlyniadau ein nod yw sicrhau ein bod yn defnyddio ein hadnoddau'n effeithiol i ddiwallu anghenion trigolion yn y ffordd orau bosibl. Mae'n ein galluogi i fod yn dryloyw ac yn atebol am ba mor dda yr ydym yn perfformio a lle gallai fod angen newidiadau i wella gwasanaethau.
Mae tair o’n dogfennau allweddol sy’n cefnogi hyn::
- Fframwaith Rheoli Perfformiad – sy'n nodi sut rydym yn monitro ein perfformiad
- Hunanasesiad
- Adroddiad Hunanasesu Diweddaraf (2022/23) – adroddiad ffurfiol y mae’n rhaid ei gynhyrchu’n flynyddol i werthuso ein perfformiad. Mae'n asesu pa mor effeithiol yr ydym yn cyflawni ein dyletswyddau, yn darparu gwasanaethau ac yn bodloni ein hamcanion strategol. Mae'n nodi llwyddiannau a meysydd i'w gwella, yn seiliedig ar dystiolaeth megis canlyniadau darparu gwasanaeth ac adborth gan randdeiliaid
- Canlyniadau Perfformiad
- Dangosfwrdd mesurau Amcanion Llesiant Corfforaethol (2023/24) – set o’n mesurau perfformiad mewnol ein hunain a rhywfaint o ddata meincnodi allanol i ddangos ein perfformiad yn 2023/24
- Canlyniadau Proffil Perfformiad Awdurdodau Lleol 10/09/2024 - Roedd Data Cymru wedi datblygu teclyn data perfformiad newydd i gefnogi awdurdodau lleol. Enw'r teclyn newydd yw Proffil Perfformiad Awdurdodau Lleol (PPALl) ac mae'n cynnwys detholiad o fesurau perfformiad allweddol